Poems of George Hunter

It was my great pleasure to meet former miner, George Hunter, Crossgates, in February 2014, and to accept his kind offer of several interesting mining items from his extensive collection to display within the pages of the website for the interest of others. George is not only a keen collector of memorabilia but a poet of considerable quality. Sadly, George lost his dad, James (43), in a mining accident, on 27 June, 1961, in Blairhall Colliery. George's first poem is a very moving account based upon his memory of that sad event.
Chris Sparling, Webmaster.

---------------------------------------------------

The Price O' Coal

It's been fifty years since ah last seen ma dad
He wiz killed in the pit when ah wiz a lad
He went oot oan the nicht-shift tae start aboot ten
An me an ma brithers niver seen him again
Twenty-seventh o' June is etched oan ma brain
Fae that day oor family wiz niver the same

Ma mither, she shook me, she looked in a fit
"Git up son, yer faithers been hurt doon the pit
You go dae yer papers an tak yer green sack
We micht hae some news by the time ye git back"

They say a steel girder fell doon oan his heed
An that efternin he wiz certified deid
He left ma two brithers, Roy, Jim an' me
Ma mither a widow at jist forty-three

Oor hoose, it filled up wi' people awe day
Awe sitten aroond wi' nuthin tae say
The silence bein' broken wi' greetin' an tears
Drinkin' gallons o' tea till it came oot oor ears
Ma faithers best pal, Big Sonny Gill
He lived in Allan Park at the tap o' the hill
"It's been a long day Jane" that's whit he said
"I'll tak' the boys an' I'll gie them a bed"

The funeral came wi' dozens o' wreaths
The street bein' lined wi' awe Hill-o-Beath
The cars driving slowly tae go ower the brae
Tae lay him tae rest where he lies tae this day
An' efter these years ah remember it plain
The tears, the frustration, the anger, the pain

But some day I'll see him, weel awe be the gither
Weel hae a re-union, ma maw an ma brither
Some day in the future, ah dinnae ken when
I'll tell them I love them, like I should have done then


George Hunter - May 2011

---------------------------------------------------

Kingdom Coal

Nellie, Mary, Jenny Gray
they sound like three braw lassies,
They're memories of a bygone day
of sweat and stoor and gases

Pits called after lads as well
Aitken, Randolph, Michael,
And names too numerous to tell
working a three shift cycle

In central Fife, we saw the mines
the bings, the winding gear,
While down below all working fine
camaraderie in fear

A different breed of men below
who always stuck together,
Good times, bad times, rain or snow
no matter what the weather

Unknown to us all these years past
the writing was on the wall,
These names have changed to open-cast
with no character at all.

---------------------------------------------------

THE MAN FAE THE OPENCAST

Beware o' the man fae the opencast
We ken him fae the recent past
He'll bring his rigs and test and bore
Two hundred yairds fae your back door

And if ye think that you'll object
For you, he'll no hae nay respect
The power he has, he cannae hide
He's got the Government on his side

Beware o' the man fae the opencast
His promises will niver last
He says he'll tak men aff the dole
In his endless quest fir coal

Ye'll hae the richt tae object, they say
But he will always get his way
Ye'll think yev won, bit hae nae fear
It's jist delayed fir anither year

Beware o' the man fae the opencast
He'll create noise, an stoor, and blast
So dinnae hing yer washin oot
The day the blastin mans aboot

He'll waste yer roads, create pot holes
Wi' monster trucks conveying coals
Tae feed the need o' a hungry nation
Wi' endless runs tae the power station

Beware o' the man fae the opencast
He's got the Government in his grasp
He has them eating oot his hand
While he spoils and rapes oor land

And when he's finished wi' the coal
He'll walk away an' leave a hole
Sadly that's no the only thing
He'll leave us wi' a muckle bing


OUR LEGACY
Grants - Crossgates - Walked Away
St Ninians - Kelty - Who Knows
Kiers - Hill of Beath - Did Not Replace Ha' Road
Westfield - Biggest Man Made Hole in Europe
Muir Dean - Crossgates - Hot Potato

---------------------------------------------------

The Pit Piece

When I wiz jist a wee bit lad
On the stairs ad sit
Waitin' fur ma tired dad
Tae come hame fae the pit

He'd tak' a bag doon aff his back
Ah think it's caud a haversack
He'd open up this double tin
An' let me see jist whut wiz in

Inside a piece, o' whut a gift
It wisnae biled ham
Uneaten fae his hard earned shift
Delicious cheese 'n' jam

The jam wiz sooked up in the bread
And turned the cheese the colour red
O' whut a treat am gone tae hae
I've waited here fur half a day

A thick end slice wi' jam soaked thru
Am shair it made me fatter
The mair ah think aboot it noo
It maks ma mooth aw watter

Ah widnae thank ye fur the lamb
Corned beef or thick cut spam
But anither piece ah could eat wi' ease
Is a double slice o' jam wi' cheese


George Hunter
February 2014

---------------------------------------------------




Home